FORMATRAINING

Ég er svo ánægð með allt, að skrá mig í þjálfun hjá Forma var líklega besta ákvörðun sem ég hef tekið í langan tíma fyrir sjálfan mig, hef oft reynt þetta sjálf en „gefst“ alltaf hálfpartinn upp og næ engum langtíma árangri eða rútínu.

Ég fann strax að Fanný náði til mín, skipulagið og allt utanumhald var svo gott og svo er hún svo peppandi og maður finnur fyrir því að hún er virkilega að gefa sér tíma í að hjálpa manni, svo gott að leita til hennar og biðja um aðstoð ef maður er óviss með hvað sem er og það sem ég elska mest að mér finnst ég geta verið hreinskilin við hana og sagt henni og hún „hjálpar manni upp ef maður dettur“.

Æfingarnar eru líka svo skemmtilegar og ég finn hvað það er LOKSINS gaman að mæta á æfingar og gaman að sjá árangur og líða betur. Svo þakklát fyrir þetta ferli og framhaldið.

Ég mæli klárlega með Forma training! Mig langaði að leggja meiri áherslu á styrktarþjálfun og lyftingar og fannst ótrúlega gott að fá æfingaprógramm sem var sérsniðið að mér og mínum markmiðum.

Í byrjun svaraði ég spurningalista þar sem ég fór yfir markmiðin mín, hvað mig langaði að leggja áherslu á og hvað ég vildi fá út úr þjálfuninni. Út frá því setti Fanný þjálfari saman prógramm sem hentaði mér og mínum þörfum og ég fékk einnig vikuleg check-ins sem hjálpuðu mér mjög mikið að ýta mér á æfingu þá daga sem ég var kannski ekki alveg jafn peppuð fyrir því sem ég held að við lendum öll í við og við.

Mér fannst líka svo mikill kostur að hafa þjálfara til að leiðbeina mér, peppa mig áfram og hjálpa mér að vera markvissari á æfingum. Það er svo miklu auðveldara að halda sér við efnið þegar maður er með skýrt plan og veit hvað maður er að vinna að. Ég myndi klárlega mæla með þessari þjálfun fyrir allar konur sem vilja koma sér betur af stað í lyftingum eða taka æfingarnar sínar á næsta stig!